சர்வதேச மண் தினத்தை முன்னிட்டு சாவகச்சேரி நகரசபையின் ஆளுகைக்குட்பட்ட கண்டி வீதிகளில் ( மீசாலை - நுணாவில்) உக்காத கழிவுகளைச் சேகரிக்கும் விழிப்புணர்வுச் செயற்றிட்டம் 2023.12.05அன்று நடைபெற்றது. இச் செயற்றிட்டம் நகராட்சி மன்ற செயலாளரின் தலைமையில் இடம்பெற்றதுடன் நகராட்சி மன்ற உத்தியோகத்தர்கள், ஊழியர்கள், பிரதேச செயலக உத்தியோகத்தர்கள், கிராம சேவை அலுவலர்கள், சமுர்த்தி அபிவிருத்தி உத்தியோகத்தர்கள், பொருளாதார அபிவிருத்தி உத்தியோகத்தர்கள், பொது சுகாதாரப் பரிசோதகர்கள், இராணுவத்தினர் எனப் பலதரப்பினரும் கலந்து கொண்டனர்.
மண்தின நிகழ்வின் இறுதிக்கட்டமாக சாவகச்சேரி பஸ்நிலைய சுற்றாடலில் மரக்கன்றுகள் நடப்பட்டது.
