சாவகச்சேரி நகராட்சிமன்றத்தின் ஆளுகைக்குட்பட்ட பிரதேசங்களில் வாழ்கின்ற வறுமைக்கோட்டின் கீழுள்ள கர்ப்பிணித் தாய்மார்களுக்கு மானியமாக சத்துணவுப்பொருட்கள் வழங்கும் நிகழ்வானது 2024.10.22ஆம் திகதி செவ்வாய்க்கிழமை நகராட்சிமன்ற பொன்விழா மண்டபத்தில் மன்ற செயலாளர் திரு அ.சீராளன் அவர்களின் தலைமையில் நடைபெற்றது.
இந்நிகழ்வில் 2024ஆம் ஆண்டுக்கான வரவுசெலவுத் திட்டத்தின்கீழ் ஒதுக்கீடு செய்யப்பட்ட நிதியிலிருந்து 50 கர்ப்பிணித்தாய்மார்களுக்கு தலா ரூபா 10,000.00 பெறுமதியான சத்துணவுப் பொதிகள் வழங்கப்பட்டன.
சாவகச்சேரி நகராட்சிமன்ற எல்லைக்குட்பட்ட பிரதேசங்களில் கட்டணசேவையில் ஈடுபடும் முச்சக்கரவண்டிகளுக்கு ஸ்டிக்கர் ஒட்டும் நடவடிக்கையினை சாவகச்சேரி நகரசபையினர் மற்றும் சாவகச்சேரி பொலிஸார் இணைந்து 2024.09.10 செவ்வாய்க்கிழமை ஆரம்பித்துள்ளனர்.
நகரசபையின் எல்லைக்குட்பட்ட பகுதிகளில் கட்டணசேவையில் ஈடுபடும் முச்சக்கரவண்டிகள் உரிய ஸ்டிக்கரினை நகரசபை அலுவலகத்தில் பெற்றுக் கொள்ளலாம். மேலும், ஸ்டிக்கர் இல்லாத முச்சக்கரவண்டிகள் சபை எல்லைக்குள் சேவையில் ஈடுபடமுடியாது என்பதனை அறியத்தருகின்றோம்.
சாவகச்சேரி நகராட்சி மன்றத்தின் ஆளுகைக்குட்பட்ட சாவகச்சேரி பொதுநூலகத்தின் நூலக சேவைகள் மற்றும் முகாமைத்துவ நடவடிக்கைகள் என்பன தேசிய நூலக ஆவணவாக்கல் சேவைகள் சபையினால் ஐரோப்பிய ஒன்றியத்தின் ஆதரவுடன் ஐக்கிய நாடுகள் அபிவிருத்தி நிகழ்ச்சித்திட்டத்தின் மூலம் செயல்படுத்தப்பட்ட உள்;ராட்சி சபைகளின் இயலளவு மேம்பாட்டுத் திட்டத்துடன் இணைந்து தன்னியக்க மயமாக்கப்பட்டுள்ளது.
chavakachcheri.dlp.gov.lk என்ற இணையத்தள முகவரியில் பிரவேசிப்பதன் மூலம் இச்சேவையினை பெற்றுக்கொள்ளலாம். மேலும், வாசகர்கள் இச்செயலியில் உள்நுழைந்து சேவைகளைப் பெறுவதற்கான பயனர்பெயர் மற்றும் கடவுச்சொல் என்பவற்றை சாவகச்சேரி பொதுநூலகத்தில் பெற்றுக்கொள்ளலாம். இத்துடன் கணனி மயப்படுத்தப்பட்ட நூல்கள் இரவல் வழங்கும் முறைமையும் பரீட்சார்த்தமாக ஆரம்பிக்கப்பட்டுள்ளது.
நகரத்தினை தூய்மைப்படுத்தும் நோக்கில் நகராட்சிமன்ற எல்லைக்குட்பட்ட பகுதிகளில் கழிவுகளை சிறந்தமுறையில் அகற்றுவதனை ஊக்கப்படுத்தும் முகமாக நிறக்கழிவுக்கூடைகள் மக்கள் அதிகமாக நடமாடும் பகுதிகளில் வைக்கப்பட்டுள்ளது. சாவகச்சேரி பஸ்தரிப்பு நிலையம் முன்பாக, தென்மராட்சி பிரதேச செயலகம் முன்பாக, சாவகச்சேரி ஆதார வைத்தியசாலை முன்பாக, டச்சு வீதி மற்றும் கண்டி வீதி போன்ற இடங்களில் இந்நிறக்கழிவுக்கூடைகள் வைக்கப்பட்டுள்ளன. இதன் மூலம் கழிவுகளை வீதிகளில் வீசாது சிறந்தமுறையில் அகற்றி சூழலுக்கு நேயமாக செயற்படுவோமாக…
“பயனுறுதி மிக்க நிலப்பயன்பாட்டின் ஊடாக நலம் நிறைந்த நாடு” எனும் தொனிப்பொருளில் கொண்டாடப்பட்ட சர்வதேச சுற்றாடல் தினத்தினை முன்னிட்டு மரநடுகை நிகழ்ச்சித்திட்டமானது சபையின் செயலாளர் திரு.அ.சீராளன் அவர்கள் தலைமையில் யூன் 05ஆம் திகதி சாவகச்சேரி நகராட்சிமன்ற பொது மைதானத்தில் நடைபெற்றது.
உலக சுற்றாடல் தினத்தை முன்னிட்டு பிளாஸ்ரிக் பயன்பாட்டினால் சுற்றாடலுக்கும் உயிரினங்களுக்கும் ஏற்படும் தீங்குகள் மற்றும் காலநிலை மாற்றத்தில் ஏற்படும் பாதிப்புக்கள் தொடர்பான செயலமர்வானது யாஃ சாவகச்சேரி இந்துக் கல்லூரியில் 2024.05.31ஆம் திகதி வெள்ளிக்கிழமை அன்று இடம்பெற்றது. இச்செயலமர்வில் World Vision நிறுவன உத்தியோகத்தர்கள், சபையின் பொதுச் சுகாதாரப் பரிசோதகர், பாடசாலை அதிபர், மாணவர்கள் மற்றும் பெற்றோர் போன்றோரும் பங்குபற்றியிருந்தனர்.
World Vision நிறுவனத்தின் நிதிப்பங்களிப்புடன் சாவகச்சேரி நகராட்சி மன்றத்தில் இயங்கிவரும் PHINLA செயற்றிட்டத்தின் செயற்பாடுகளைப் பார்வையிடுவதற்கான களவிஜயமானது 2024.05.29 அன்று இடம்பெற்றது. இக்களவிஜயமானது திண்மக் கழிவகற்றல் முகாமைத்துவம் தொடர்பான சிறு கலந்துரையாடலுடன் ஆரம்பமானது.
இந்நிகழ்வில் மேல்மாகாண திண்மக்கழிவு முகாமைத்துவ மேலாண்மை மத்திய நிலைய தவிசாளர், மேல்மாகாண உள்ளூராட்சி ஆணையாளர், பிராந்திய உள்ளூராட்சி உதவி ஆணையாளர்கள், வத்தளை பிரதேசசபை, யா-எல நகரசபைச் செயலாளர் மற்றும் சபை உத்தியோகத்தர்கள், நகராட்சிமன்ற நிர்வாக உத்தியோகத்தர் மற்றும் சபை உத்தியோகத்தர்கள், பொதுச் சுகாதாரப் பரிசோதகர்கள், வேல்ட் விசன் நிறுவனகுழுவினர் போன்றோரும் பங்குபற்றியிருந்தனர்.
நகராட்சி மன்ற ஆளுகைக்குட்பட்ட 03ம் வட்டாரம் (கெருடாவில்) பிரதேசத்தில் ஆதனவரி நிலுவைகளை அறவிடும் நோக்கில் நடமாடும் சேவையானது 2024.05.16 அன்று பொதுநோக்கு மண்டபத்தில் இடம்பெற்றது. இந்நடமாடும் சேவையில் பெருமளவு பொதுமக்கள் கலந்துகொண்டு ஆதனவரி நிலுவைகள், வியாபார உரிமக் கட்டணங்கள், துவிச்சக்கர வண்டி உரிமக் கட்டணங்கள், வளர்ப்பு நாய் உரிமக் கட்டணங்கள் என்பவற்றை செலுத்தி ஒத்துழைப்பு வழங்கியிருந்தனர்.
நகராட்சி மன்ற எல்லைக்குள் வசிக்கும் பொதுமக்கள் உக்கக்கூடிய மற்றும் உக்காத கழிவுகளை சிறந்த முறையில் அகற்றுவதற்கும், அதனை நகரசபையானது சிறப்பாக முகாமை செய்வதற்கும் ஏற்றவகையில் எமது வளநிலையத்தில் நிறகுப்பைக்கூடைகள் வைக்கப்பட்டுள்ளது.
இவ்வள நிலையத்தில் 2024.05.01ஆம் திகதி முதல் வாரத்தில் 7 நாட்களும் 24 மணிநேரமும் கழிவுகளை ஒப்படைக்கமுடியும்.
பச்சை – உக்கக்கூடிய கழிவுகள்
செம்மஞ்சள் - பிளாஸ்ரிக் கழிவுகள்
நீலம் - கடதாசிக் கழிவுகள்
சிவப்பு – கண்ணாடிக் கழிவுகள்
கபிலம் - உலோகக் கழிவுகள்
சாம்பல் - இலத்திரனியல் கழிவுகள்
மஞ்சள் - தொற்றுக்கழிவுகள் (பம்பஸ்) எதிர்கால சந்ததியினருக்கு பாதுகாப்பான சூழலை உருவாக்க கழிவுகளை உரியமுறையில் அகற்றுவோம்.
வடக்கு மாகாணத்தின் உற்பத்திகளுக்கும் சேவைகளுக்குமான இலவச இணையவழி சந்தை வாய்ப்புக்களுக்கு வசதியளிக்கும் வகையில் Farm to Gate செயலி ஆரம்பிக்கப்பட்டுள்ளது. இச்செயலியின் மூலம் உற்பத்திகள் மற்றும் சேவைகளை விற்பனை செய்பவரும் நுகர்வோரும் நேரடியாக தொடர்புகொண்டு விற்பனை/ கொள்வனவு நடவடிக்கைகளை மேற்கொள்ளமுடியும்.
www.farmtogate.org எனும் இணையத்தளத்தில் பிரவேசிப்பதன் மூலம் சுயமாக தங்கள் பதிவுகளை மேற்கொள்ளமுடியும். அல்லது அருகிலுள்ள உள்ளுராட்சி மன்றத்திற்குச் சென்று பதிவுகளை மேற்கொள்ளலாம்.
Farm to Gate செயலி மூலம் பதிவுகளை மேற்கொண்டு பயன்பெறுவீராக...
